Dial up mengaja aku makno soba...

Hari ni hari Slaso. Pejal mari dumoh aku ajok gi umoh dio. Sapa dumoh dio, dok meta Nuar melawi pun sapa jugok. Tok seko jupo Nuar. Lamo doh jugok tok juponyo. Ingat ko dio tokdok Perok lagi tapi ruponyo dio dok situ lagi.
Pejal suh tengok mic kopiuto dio bakpo tok jadi. Tengok punyo tengok, tokleh jugok. Penin doh ppalo aku. Tok cekak buak doh.Akhir sekali aku suh Pejal cek mic dio kok-kok punoh ko. Kalu mic ok tapi tok jadi jugok, tok tahu nok oyak la aku. Tok rgheti doh aku nok ngokehnyo sebak tok rajing jjadi ko aku etek masaaloh gini.
Lepah tu, Pejal ajok gi keybe. On der wey, singgoh make nasik kukuh. Aku tok ingat namo tepak dio. Mmano tahu. Bulih kiro la nasik dio tapi gak air sirak lima dio hok aku pese tu tawar sikit. Tok nyakuk lah mano tapi gak nasik dio banyok kakloh. Jenuh aku nok perabih.
Lepah tu, sapa keybe, aku gi TM meta, nok gi beli prepaid intenek. Tapi gak lecah molek TM tu. Start up pun takdok, habih. Terpaksola aku gi beli di KBCC pahtu wak gi semula ke TM tu suh dio masuk daftar. Aku buke gapo, gi beli prepaid ni, sebak nati aku nok cari la behe serbo sikit untuk temudugo nati. Kalu dok bbidor takpo la ado intenek, kalu dok kapo ni mano ado, tu ya aku gi beli nih,kalu nok harak gi cc gak parok la aku. Tokke nok gi sokmo. Walaupun prepaid ni dail up, slow gilo, tapi gak kalu setakat nok baco surat koba online tu aku raso ok jah. Tapi tu la, dial up ni meme lembak. Jjanggut la tunggu nok bbulih ko buko so-so website tuh. Pah so pulok, kalu nok online pung keno tgk maso jugok. Keno meta-meta jah. Yo la, takut ore tepon dumoh ni. Ke engage pulok.Gitu la pasal prepaid 1515 ni. Denge lembaknyo, denge terbatahnyo.Tapi gak setiak bendo tu ado hikmahnyo.Prepaid 1515 ni walaupun lembak,dio telah mengaja aku jadi makhluk Allah hok soba sikit. Jange gheti nok cepak jah.Mogo kesabare ini kekal,hari ni, esok, sapa kebilo-bilo.
Ok la, aku ngatuk doh ni, lewat doh, jupo pulok smula dale blog ni. Tenkiu