Dok kapo doh ni...

Salam semo,

Aku loni dok kapo ni, mari cc meta. Takdi krani skoloh aku ado tepon. Dio kato surat temudugo aku sapa doh. Aku keno temudugo spuluh haribule ne ni. Kejut jugok aku. Tu ya aku mari cc ni, nok cek dale intenek pulok. Yo lo sunggoh uh. Sudoh la aku, nok gi gano la nati, kalu sekali denge ore laing hok aku kena bulih aku tupe-tupe. Tok tahu la guano lagi ni. Pening palo aku mikir. napoknyo aku keno balik awal la. Tok sene aku nok cuti huhuhu.
Tapi biar dulu la pasal tmudugo tu. Loni aku dok kapo. Dok kapo. Aku keno habiske siso-siso cuti aku ni semolek-moleknyo. Hari tu maso mulo-mulo sapa..suko sungguh aku..yo la..bulih kelik kapo..sapo tok suko..jupo nge mok ayoh adik beradik fuh...suko sungguh..tamboh pulok kalu dok bidor tepak aku tu tok tahu nok gi mano kalu boring-boring gak...puah sengoti..ni aku balik kapo ni..bulih gi derak la...ari mulo-mulo sapa tu pong abe aku ajok gi derak doh...aku sapa tengohari...pete tu pok dio ajok gi derak, mugo ado blako etek...gi jale-jale..sapa male tu...semaye ngorib di mesjid Telipok. Lepah tu balik singgoh make di baruh Tunjung...dale kul semile lebih baru sapa dumoh...sapa dumoh tu pulok dok meta...abe aku ajok gi umoh spupu aku pulok...gi pulok aku...dekat pukul sebelah baru kelik.....Pagi esok hari ahad, abe aku ajok gi keybe pulok...gi dekat maxis centre. Dio nok aktif PTT. Aku, dio denga anok sdaro aku duo ore gi...dekat denga lohor baru kelik. Tu pun gi kadok dulu singgoh minum air buoh keda che mud pahtu baru sapa dumoh. Hari ni hari sena, aku tok gi mano-mano. Rilek dumoh la etek. Derak sokmo cumo pete ni la aku mari nilam puri meta mari cc.
Tu la meriohnyo aku kalu dok kapo ni...tok lekak sangat dok dumoh ni. Esok pejal ajok gi dumoh dio pulok. Jale pulok aku...apo pung cuti ni aku keno bbaco la jugok sebak aku nok keno temudugo nati nih. Mogo aku dipermudohke segalo uruse, amiin. Jupo pulok nati.Tenkiu