Keno Jjadi Penggende Iringe Pulokss...

Salam,

Apo koba semo. lamo kawe tok nulih. Al maklum la de kelik kapo ari tu gak payoh skit nok nulih. Sebok sokmo. Gi situ sini. Gula sano sini. Pahtu pulok kak kawe keno bbedoh. Pete-pete gak kalu ado keto kawe gi melawak dio di spita. Mujurla loni ok doh. Dio bulih kelik dumoh teko kawe balik mari Pperok ni. Alhamdulillah la....syukur pado Alloh.
Cuti koloh duo menggu tok sero mano. Peje celek peje celek abih doh. Dok Pperok doh kawe loni. Tok puah sero. Nok cuti lagi. Tapi nok wak gano cuti duo menggu jah. Keno tunggu cuti bule 11 nu pulok la...
Loni de dok Pperok gak tok tahu nok gi mano la...kalu dok dumoh bulih gi derak. Ni gak dok sini tok tahu nok gi mano.Mugo tepak lagu ni gak. Tok dak lah mano la...Tapi gak mujo la loni kawe dok ngaja nasyed. Hile jugok puahnyo. Biasonyo dale kul 4.30 kawe gi la. Jauuuh...nuu di Telok Ite nu. Sapa denu dale kul 5.30. Seje la amik maso. Loni ko sibuk la sebak hari perfomance pok dio tok lamo doh, 28 haribule ni doh. Loni keno kace molek la..takut slek gak nati haruu la..
Pahtu pulok kawe denge tok seko-seko keno jadi pemuzik iringe untuk muzik zapin penutup majlis tu nati. Maknonyo sini kawe pun keno gi jugok la...Haaa parok..tapi takpolah..bulih timbo pengalame. Loni kawe dok tening katok gende rentok zapin la ni. Sek-sek nasyed kawe sero ok doh. cumo ado sikit la hok nok keno bekki situ sini. Harak-haraknyo semmo jjale lacar la.
Ok lah, pade situ duluh untok kali ni. Jupo pulok smula. TENKIU