TOK JADI LA HUHUHU...

Hari ni supo skalo, lepah smaye subuh, siak-siak gi skoloh. Lebih kure lepah pak puluh menet, sapa la aku skoloh. Hari ni budok-budok prekso. Aku tengok jadual prekso start puko berapo. Kul lape. De lagi aku nok gi minum aeman kafe. Sapa ketin, lepah orda air, aku dok di kusi make kue badok sbutir platiko air siak. Lepah minum air aku naik jabat. Amik soale prekso budok pahtu terus gi kelah hok aku keno jago prekso. Tok ingat nok oyak takdi, maso mulo-mulo sapa takdi ado mok budok mari tepak aku paking muto. Kejut jugok aku ingat ko bakpo. Rupo-ruponyo dio nok bui hadioh hari guru..Ado lagi..ingat ko takdok doh..Anok dio maso hari guru tu malu nok bui ko aku...malu dio hehehhe...de kene ko aku tu hehehe...mujo kecik lagi..hehehehe...
Jago budok prekso ni boring jugok. Mujo aku bowok lektok. Platiko budok siak jawab soale prekso, aku buko lektop meta. Denga lagu hok apih bui smale. Shahdu sungguh...tengoh dok ralit dengar tu ado sore budok ni. Dok prekso pun de lagi buak onar. Aku apo lagi...amik pembarih hok patoh tu pahtu gi kat dio...cak plepa bui sbutir...tersengeh-sengeh budok tu...panda sangat buat onar..tok tahu tiko maso...lepah tu baru senyak..
Lepah abih prekso aku naik jabat atar ketas prekso. Pahtu dok cokoh atah kusi tok tahu nok wak gapo....apo lagi...buko lektok balik la...nulis untuk blog ni. Waktu rehat, aku gi ketin make nasik. Jupo nga ustak redue. Tanyo dio lagu mano latihe bank rakyat. Dio kato tok tahu lagi mugo Azize tok oyak gapo lagi. Tengahari tu, baru Azize oyak hari ni takdok latihe nasyid. Prust jugok aku sebak kalu takdok gak boring jugok dok ghumoh.Kalu ado tu bulih gok katok-katok gende.

Lepah abih waktu sekoloh, aku hunga kelik. On da way balik perut dok kok krak kok krak bunyi..lapar la tu...sebelum sapa dumoh, aku singgoh suria meta...make nasik lauk aye tigo raso denga air tembikai leci. Lepah balik dumoh tu lepah maye Zohor, Azize mesej aku lagi oyak kato tok jadi,mako cerak la latihe arini tok jadi. Maknonyo lepah cuti ni pulok la aku gi nyo...sebak dale cuti mano bulih gi...nya nok kelik aku..buke dio...takpo la...dale cuti ni ustak redue ado...biarla dio ajar...dio nok ajar gapo tu ikut dio lah....tapi aku prust la sbb hari ni tok jadi...huhuhu...