MUQODDIMAH CERITO

Assalamualaikum,

Tengok ko keadae loni hok dok hangat denge bloging ni, kawe sero tertarik jugok nok `nulih dale blog ni. Meme lamo doh nok nulihnyo tapi gak `tangguh sokmo sebak maso tokde sokmo.Pah loni ni tokde jugok tapi gak caro eh..Nulih sekak-sekak de.

Mulo-mulo sekali kawe nok `kenal diri kawe hok kerdil ni la. Kawe ni supo ore lain-lain la jugok, makhluk Allah hok idup di atah bumi Malaysia. Loni kawe dok `Perok, spesifiknyo di Bidor. Kawe ni asalnyo mari daghi Kelate, daeroh Koto Baghu dekat Nilam Puri spesifiknyo lagi ditengoh-tengoh antara Batu 8 ¾, Kadok, Kedongdong, Pade Lepa, Beto Ulu, Beto Ilir nga Kor. Kalu sek-sek demo terror gak, tahu la namo gapo kapo tu. Tapi gak jare ore tahu namo kapo tu hatta ore dekak-dekak tu pun muta jugok nok cari kalu sebut namo kapo tu. Supo la kapo kawe tu pedalame sangak. Nok wak gano, tok caro sangat pasal ilmu Geografi, tu la jadinyo, kapo hok dok sebeloh denge kapo kito pong tok tahu, lecah molek.

Kawe loni kijo doh, jadi cekgu, ngaja budok-budok baco alih bo to. Kalu nok panggil ustak pon boleh jugok. Letih jadi cekgu nih. Napok jah sene. Main nga budok-budok gak hok aloh la..kalu budak besar tehe sikit ni gak budok-budok haya hok baru nok besar. Bulih tehe serok tekok la. Kawe ni tok la bekeng sangat tapi gak main nga budok-budok haya ni gak kade-kade bulih jadi Hak jugok. Mujo tok pecoh baju jah pahtu jadi warno ija…Huarghhhh…

Ermmm…gapo lagi eh nok oyak…ho…nok oyak sikik pasa bekground ngaji kawe. Mulo lepah skoloh menengoh, kawe sambo gi ngaji UIA. Tok seko `benar bulih UIA mugo kawe bukenyo bulih tinggi sangak dale SPM tapi gak rezeki la hok Allah Taala bui walaupo masuk 2<sup>nd</sup> intake. Tapi ke, masuk 2<sup>nd</sup> intake ni sedak sebak tok keno menggu orentasi. Orentasi keno jugok la tapi tok berat mano supo masuk 1<sup>st</sup> intake. Sek-sek 1<sup>st</sup> intake parok keno. Nya `budok ko sek-sek comitee taaruf week tu. Sie kawe dengar. Mace-mace keno wak. Sek-sek kawe rilek jah…nasib la blako tuh hehehe…Mulo-mulo masuk matrik PJ dok sbilik denge Najib nga Ramlin. Ramlin kawe kenal lamo doh sebak sekoloh menengoh skali di Rahmah Kenali maso naik tikate 6 bowoh. Tok seko jupo dio pulok di UIA. Najib kawe baru kenal maso tu, budok koloh Pade Sie sekali nga Deli hok dok serumoh nga kawe loni.Antara saing-saing hok dok sebilik maso matrik mulo supo Najib, Ramlin, Jani, Mere….teringat kakloh maso mulo…terutamo loni ko Ramlin, tok dengar khabar doh dio loni sakat balik `Saboh. Lagu mano la dio. Harap sehat la dio…

Lepah tu, kawe sambung la di Gombok pulok lepah 2 tahun di Matrik. Di Gombok kawe dok pulok denge ore lain pulok. Najib kekal lagi mulo tu pahtu tahun-tahun lepas tu tokdok doh sebilik nga dio sebab dio nikoh. Antara saing sebilik di Gombok supo Najib,Pejal, Epul,Muhaidin, Nuar Melawi, Puji, Adi,Kamal,Hafiz, Mat Jen….rama tu…kalu nok wat reunion pon boleh…tapi gak loni nok jupo payoh la…nga pejal jah sene sbb kalu kawe kelik Klate bulih la jupo dio. Tu pon loni sekak dio nikoh payoh gok nok jupo. Yo la tok kato ko dio sebab de nikoh gak keno utamake kluargo. Dok gitu keneh..Hok peting nyo..ado contek la..tok putuh hubunge…Maso last sem, dok nga Kamal, Hafiz, n Mat Jen. Sek-sek so palo blako…bereh la idup…

Lepah abih ngaji, kawe tok la ngangur sebak kawe masuk Kursus Produk Halal di Mlako.Suko jugok gi masuk kursus tu. Banyok karo bulih tahu n blaja. Kenal rama saing supo Lan ganu, Bani, Abe Din, Abe Hassan, Firdaus, Che Fadli, Kak Gi,Kak Ita, Kak Nurul, Kak Yong, Zana,Deq Na, Mazidah n Fadzliah.

Supo Che nga Firdaus kenal lamo doh sebak saing so U. Nga Fadzliah pulok mulo di UIA beso tengok doh dio tapi tok prase mano mugo kawe buke jenoh tengok ko ore tino lah mano hihihihiihi….pahtu pulok bilo gi maktak jupo pulok nga dio…mulo nok ngorat sbb namo supo nga kawe cumo tamboh “To marbutoh” jah blake tu tapi gak dio ado gewe doh tok jadi la hehehehe…sekali skalo dok temenung di nelo tu teringat kakloh ko demo-demo ning…tapi gak loni masing-masing bowok halue masing-masing..kawe harak, nati bulih la jupo pulok nga sek-sek dio..tp tok tahu la bilo…harak bulih jupo…

Lepah tu, kawe masuk maktab. Dok dale setahun stengoh kursus. Maso tu la keno posting gi Perok. Pahtu pah loni la dok `Perok. Loni takpo dok diperantauan pong mugo mudo lagi. Tapi suatu hari nati, kawe nok kelik jugok klate.Biaso la, tanoh tepak tupoh daroh, mesti la sentiaso dale hati.Teringat nok mandi taliair etek hehehe.

Ok la, sapa situ dulu la untuk mulo-mulo ni sebagai mukoddimah cerito. Lepah ni kawe ake nulih lagi. Kawe tetap ake menggunake bahaso loghat tapi jange rusing, kawe tetak ake selik denga bahaso stendek. Tapi kalu hok tok pehe bahaso klate pun bulih jugok baco. Kalu tok pehe rujuk kamuh bahaso kelate.Jange risa, demo bulih rujuk website Ibrahzine.com. Dale tu ado kamuh Klate hok saing kawe buak. Harak-harak ado lagi.

Okla, jupo pulok nati….tenkiu.

Tarih kawe nulih:

Duo puluh satu haribule limo duo koso koso lape.(Ghabu bersamae limo belah JamadilAwwal pak belah duo semile)