Musim Buoh...Ermm..

Salam semo...
Ermm...lamo kakloh tok nulih, tokde sokmo nok nulih. Ni pun letih doh nok nulih benar harap ko esok tok kijo jah.
Loni kalu kito tengok gak tengoh dok musim buoh. Sano sini mace2 ado buoh. Durie, mokte, setto ado blako. Kawe pun sapa sakit perut make buoh2 ni. Tok la bbeli mano tapi gak kawe sero bertuoh la sebak koloh kawe tu dale kawase kapo. Jadi banyok la pokok buoh2. Dale menggu ni sajo, bulih kato tiak2 haghi ado jamuan buoh2 di setiap kelah. Tiap kali waktu rehak gak, ado la budok panggil gi jamuan buoh2 di kelah pokdio. Kebanyokkenyo buoh2 tu budok2 bowok sediri blako, takdok so abok pong hok beli mugo doh ado pokok buoh sediri blako ore2 situ. Kawe pun make la sedikit sebanyok hok termampu dimake. Hajat nok wak kelik tapi gak mugo doh naik muto gak payoh la...Tamboh2 kalu buoh durie. Denga durinyo, leloh kawe nok bbowok. Takpo la, kawe setakat make disekoloh jah la...lagipun kalu dumoh sewa kawe ado doh. Ado hok saing kawe beli, ado hok bowok mari dari rumoh. Pendek kato gak musim buoh ni kawe tok putih mato la. Bulih kecap blako buoh2 hok ado. Walaupun jauh dok dr kapo di klate nu, tapi gak kemeriohe musim buoh tu teraso jugok la dok sini. Syukur pado Allah hok bui rezeki dah limpahan rahmat Dio.
Mogo kito jupo pulok nati ditulise kawe hok lain. TENKIU



Buoh setto sebelum menjadi mangsa...


Buoh durie...molek isi..sedak..ermm..